بتعاين لشنو ؟؟؟؟ أيش فيك بطالع ؟؟؟

هذه القصيدة للشاعر عبد الله محمد خير وهو من شعراء العامية فى السودان وهو كان في احدي دول الخليج وفجاه سمع امراءه تنهر فيهو ايش في تطالع
يعني بالعاميه السودانيه(بي تعاين لي لي شنو)
عندما سألو الشاعر المرحوم عبدالله محمد خير عن مناسبة القصيدة ..
قال: كنت تعبان ولا بطالع ولا بعاين ولا شي .. نهروني .. بس
ربنا يرحمو و يغفر ليه
اخليكم مع نص القصيدة

ايش فيك يابتسالي فيا ياخي بطالع
بطالع في بدر فتق الخمار طالع
و اطالع في برق بهر خطف شالع
بطالع في القوام الامرد الفراع
و بطالع و في جمر بيك ببلاك والع

و تسالي في ايش فيك ياخي بطالع
بعاين بختي في سمر الرياض ضايع
مبعثر حظي بينا لذكري و الشايع

و تسالي في ايش فيك ياخي بتطالع

بطالع الا انا قبلك شبعت جايع
و بطالع ويش فيا بين الشاري و البايع
يفتح الله يستر الله يا رايع

و تسالي في ايش فيك ياخي بتطالع

بطالع في اللي في صيد القلوب بارع
و اطالع في عزيزتي تلاوي و تصارع
و اطالع في القيامه القايمها في الشارع

و تسالي في ايش فيك ياخي بتطالع

بطالع في بهاك يا حسنة الطالع
و اطالع في النفس لا يبقى مو طالع