للبنات .......... البايركس فقط

العنوسة مشكلة مؤرقة وهناك بيوت تعاني ليس من وجود عانس واحدة بل أكثر من واحدة , ولتخفيف حدة هذه الظاهرة تذهب بعض العانسات لتعقيدها والبحث عن حلول وهمية عند الشيوخ والفقرا فتحولت الحقائق إلى كذب صريح وتعقدت المشكلة أكثر وكانت النتيجة المزيد من العنوسة.
واتضح أن جزء كبير من العانسات يؤمن بالسحر والخرافة والمشكلة أن العديد من العانسات على قدر عال من التعليم والخبرة يلجؤون إلى الخرافة, ويتعلقون بأوهامها إلا حين تضيق في وجوههم أبواب الأمل.‏
كما أن الجانب المادي أحد الأسباب المؤدية إلى العنوسة أحيانا يشترط في الزوج أن يكون ثرياً إضافة إلى عادات اجتماعية تفضل الأسرة تزويج ابنتها من أبناء عائلة تماثلها في الحسب والنسب والمكانة المادية, أو أن تشترط الأسرة تزويج الفتاة الكبرى قبل الصغرى فيترتب على هذا الأمر أن تتحول فتيات الأسرة إلى عوانس.
كما ان الزهو بالنفس والكبرياء لدي البنات يؤدي لفوات قطار الزواج.
الواحده تغالط في نفسها انا عمري 24 سنة لمدة عشرة سنوات تعمل عيد ميلادا 24 شمعة أو عييييييييييك تلقي روحا حصلت الاربعينات .
كمان في عينة تاني تقعد تتلفت وتعاين لي شعرا الطويل كل ما اجيها واحد تقول : لا لا ده ما وجيه عندو صلعه كبيره .... لا لا لا ده بياخذ مرتب صغير بعدين عندو مسئولية تجاه بيت ابوهوا اخواتوا كثار بقري فيهم انا عايزه واحد اكون فاضي لي انا وحدي بعدين هو ما إستايل .... بعد شويه تلقي هي شعرا اتحتحت عيونا اشحطن ودخلت الزون.
الوحده شمال مدينة مدني زمان كان اسمها الشكابه فيها ود عمنا الشريف حسن الشريف بانقا راجل حافظ القران وعلي خلق كريم مضياف يعالج بالقران الاجازة الفاتت مشيت سلمت عليهوا في الخلوه لاحظت وجود بنات شابات من ضمن الزوار له استغربت الامر ونسبة للحرج ومشغولياته لم اقم بسؤاله عن هذه الظاهره.
رجعت البيت ناس البيت سألوني مشيت وين قلت ليهم مواصلة ارحام زيارة للوحده بحكي ليهم عن الزيارة والشريف حسن بقي مشهور بس شايف معاهو بنات شابات باستغراب قلته والله الزمن ده الواحد تلقاهو شكلوا جميل ونضيف كان هبشتوا بي جوه تلقي فيهوا حبت جن نطط اختي شغاله موظفه قالت لي في بنات في الشغل معاهم وبنات كانوا بحضروا في ماجستير معاها كل مره اقولوا ليها عليك الله ما تمشي معانا لي ود عمك قالوا شديد وقوي كان القي لينا عريس البنات كل يوم في الموال ده اخيرا عشان الدوشه والازعاج وتنهي الموضوع مشت معاهم لي الشريف حسن بعد قضاء الواجب والزيارة والفاتحه مشوا علي المواصلات بتاعت الوحده ركبوا المواصلات في واحده من زميلاتا الظاهر في واحد من الركاب شبها كان بعاين ليها طوالي.... الكمساري جاء عشان اخلص القروش اطقطق في اصابعينوا شال منهم كلهم ما عدا اختنا البعاين ليها الراكب المشبها وقت جات تدفع الكمساري قال ليها انتي حقك مدفوع........ البت قالت اجي يا بنات امي ده شنو ده تلحقنا وتنجدنا يا شيخ حسن من المواصلات بدينا ما تخلينا نمشي لي قدام شوية نصل المكتب نختار لينا واحد......